آتما رام

atmaram
دا انځور په ۱۸۴۱ م کې یو انګریز جیمز رېټري په افغانستان کې کښلې دی.
یو سپین ږیرې هندو آتما رام د کورپه بره برخه کې ناست بهر ننداره کوي. دی د پیښور اوسیدونکې او د کندوز حاکم مراد بیګ ( وروسته د بخارا امیر) وزیر و. په دې انځور کې آتما رام په غاړه زردوزي سره چپن ده چې د هغه ځانګړي رتبه څرګندوي. افغان چارواکو او سردارانو به نسواري خړ یا شین رنګ چپنې اغوستې.
په۱۹ م پېړۍ کې د افغانستان مالي چارو کې هندوانو هم ونډه لرله. د حکومت لپاره د مالیو او نوروعوایدو حساب ساتلو کې تکړه او واکمنو به پرې باور کوو. د دوی د فارسي نه علاوه هندي او د سیمې نورې ژبې هم زده وې.
په انځور کې دآتما رام شا ته په دېوال، توره ډال او د سفر کمربند چې د څرمنې خلتو نه علاوه د میسو ناقوس هم ورسره ځوړند دی. د ده په تندي د سیندور قشقه ده او څو رنګو وړین کشمیري پټکی يې په سر کوږ ایښې دی.
د آتما رام له بالاخانې بله ودانۍ او مخې ته يې ساتندویان او څو کسان ښکاري. د ټولو لباس د ژمي دی او لیرې ممکن “تپه مراد بیګ” وي.
صفیه حلیم
د خپریدو نېټه- ۱۳ اګست ۲۰۱۷ م

Leave a Reply

Your email address will not be published.